Rydym wedi cyffroi ynghylch Wythnos y Llyfrgelloedd sydd ar ddod! Trefnir Wythnos y Llyfrgelloedd gan CILIP – Y Gymdeithas Lyfrgelloedd a Gwybodaeth ac mae’r cyfan yn ymwneud â dysgu rhywbeth newydd gyda’r llyfrgell.
Cynhelir Wythnos y Llyfrgelloedd rhwng 3 Hydref 2022 a 9 Hydref 2022. Rydym eisiau dangos sut mae ein llyfrgelloedd yn ysbrydoli dysgu i bawb ac yn helpu unigolion i ddatgloi a chyflawni eu potensial ar bob cam o’u bywyd.
Mae’r thema eleni yn ymwneud â llyfrgelloedd fel lle i ddysgu gydol oes. Bydd gan bob llyfrgell wahanol grwpiau fel eu sesiynau Galw Heibio Digidol a Sesiynau Te a TGCh. Bydd Grwpiau Darllen yn cael eu cynnal yn ein gwahanol lyfrgelloedd, Grwpiau Barddoniaeth yn Llyfrgell Pen-y-bont a chymaint mwy!
Cadwch lygad ar ein llwyfannau cyfryngau cymdeithasol a thudalennau Facebook ein llyfrgelloedd unigol i gael yr wybodaeth ddiweddaraf am yr hyn sy’n digwydd ymhob un i ddathlu Wythnos Llyfrgelloedd.
