Gall fod yn anodd gwybod pa lyfr i ddewis nesaf, felly rydyn ni’n gofyn i staff Llyfrgelloedd Awen argymell llyfr bob mis i’ch helpu chi i ddewis eich un chi. Y mis hwn, gwnaethom ofyn i Julie a Rhiannon pa lyfrau sydd wedi’u hysbrydoli nhw fwyaf.
Dywedodd Julie: “Hoff lyfr i mi yr wyf i’n ei argymell yw Daisy Jones and The Six gan Taylor Jenkins Reid. Roedd llygaid sbectol haul Daisy Jones wedi fy nilyn i o gwmpas y llyfrgelloedd o glawr y llyfr hwn am gryn amser cyn i mi ildio a dechrau ei ddarllen. O’r eiliad y darllenais i’r llinell gyntaf roeddwn i’n gaeth! Mae’r stori’n cyfleu naws Fleetwood Mac, gan greu teimlad byd-eang newydd sbon. Mae gan y cymeriadau eu ffaeleddau ond maen nhw’n anhygoel; Mae’r ffordd y mae’r berthynas â’i gilydd yn cael ei disgrifio yn wirioneddol, yn gignoeth, yn dorcalonnus ac yn dyner. Nid yw’r math hwn o naratif ‘cyfweld’ bob amser yn gweithio i mi – ond roedd hwn – roedd hwn yn berffaith. Mae Taylor Jenkins Reid yn gwau’r rhyngweithredu rhwng cymeriadau’n berffaith a bu bron i mi chwyrlïo o gwmpas fel Stevie Nicks wrth ddarllen. Roedd y nofel hon mor dda, er gwaethaf cymeradwyo’r dewisiadau castio yn llwyr – rwy’n rhy ofnus i wylio’r gyfres yn seiliedig ar y llyfrau.”
Meddai Rhiannon: “Mae gen i lawer o hoff lyfrau am lawer o wahanol resymau, ond os byddai’n rhaid i mi ddewis un, byddwn i’n dweud A Christmas Carol – Charles Dickens. Roeddwn i’n eithaf ifanc pan ddarllenais i hwn am y tro cyntaf, ac rwy’n cofio teimlo bod yr awyrgylch yn newid yn yr ystafell a meddwl “Waw! Doeddwn i ddim yn gwybod bod llyfr yn gallu gwneud hynny!”
